Dáig alta in mac sin i tig a athar & a mathar icon airdig i m-Maig Muirthemne, ocus adfeta dó scéla na maccaemi i n-Emain. Dáig is amlaid domeill Conchobar in rigi, o ro gab rígi in rí, .i. mar atraig fóchetóir césta & cangni in choicid d'ordugud. In lá do raind i trí asa athlil: cetna trian de fóchetóir ic fegad na maccaem ic imbirt chless cluchi & immanae, in trian tanaise dond ló ic imbirt brandub & fidchell, & in trian dedenach ic tochathim bíd & lenna, con-dageib cotlud for cách, aes cíuil & airfitid dia thalgud fri sodain. Ciataim ane ar longais riam reme dabiur bréthir, ar Fergus, na fuil in hErind no i n-Albain óclach macsamla Conchobair.........